يلتصق بي. أدّعي النوم. يلمسني. أجاهد كي لا أجفل. يناديني بصوت خافت. لا أسمعه. تحرق أنفاسه أذني. أتماسك. يملّ، يوليني ظهره. أتنفس الصعداء. يخاطبني قائلا: الرسالة وصلت. لا أرد. تثور كرامته و يشدني إليه. أفتح عيني. يخبرني أنه يكرهني. أبتسم. يسعى لتقبيلي عنوة. أجرح شفتيه بأسناني. يصرخ و يسبني. أهرب من تحته. يطاردني. لا أتوقف. يقسم أنه لن يتركني و سيسمم دمي الليلة. أقف في مواجهته و كأني غير آبهة. يجن جنونه و يندفع نحوي. تنشق الأرض و تبتلعني !
8 comments:
انا مصدقة القوة اللي ف التدوينات الأخيرة اوي
بس انا ابتديت احس اني مش مبسوطة م الحلول اللي بتيجي من برانا .. القوى الخارقة دي مش موجودة ..
مش موجودة في الحقيقة للأسف.
مين قال إنها حلول خارجية؟ ليه ما تقوليش إن قوتها هي اللي خلّت الأرض تنشق و تبلعها؟ و إن رغبتها في الباقء هي اللي خلّت الرياح تمدها بساق جديدة. و إن رغبتها في النجاة هي اللي خلقتلها أجنحة..
و إن التأقلم هو اللي خلّاها تتنفس تحت الماء.
أيوة هي قوى خارقة, بس من صنعها هي يا آية
انا عايزة اتعامل مع النص دا بوجهتين نظر
ادبية
وانسانية
تختارى ايه؟
قولي الجانبين
امممم... اممممم... امممممممم
حلو المخرج ده... ايون، قلة الحيلة مش للي زينا
:)
الجمل القصيرة تضفي على النص إنطباعا متسارعا حادا يكمل المشهد بجدارة.
...
الحلول غير الطبيعية تعادل أحيانا ما نجد من منغصات لا يجدي معها شيء طبيعي ننتظره فيظل الأمل في أن نتشق الأرض -كمثال رمزي- مبعثا على الحياة نفسها. انشقاق الأرض هنا رمز لحل لا ننتظره يأتي ليغير من قيمة كل شيء ويعيد ترتيب الحياة كما لم يخطر على قلبنا. ربما كان الإيمان فيه نفسه كحل خطأ ولكن هذا لا ينفي وجوده.
ادبيا يعنى
على اساس ان انا مش صاحبتك وكدا
:)
الشكل المتسارع للنص دا عاجبنى جدا ومجهد جدا كمان للقارئ
لكن انا مافهمتش هى ليه عملت كدا..مش لازم النص يقول كل حاجة ..بس على الاقل تلميحة بسيطة
وخصوصا ان رد فعلها هنا كان قوى جدا..وحاسم جدا
انسانيا بقى
مش هازود كتير عن اللى آية قالته
انا شوفت النص من وجهة النظر اللى هى قالتها
تدوينة قوية جدا ومعبرة جدا بس ما قلتليش سبب ردة الفعل القوية
سعيدة بمتابعتك دائما
Post a Comment